Munduko Kristau Misioen: DOMUND

Egun on! Astelehen honi hasiera emateko, gogoeta berezi bat egingo dugu, Munduko Kristau Misioen inguruan. Misioen eguna urriaren 19an ospatzen da eta DOMUND izenez ezaguna da. Egun horretan, bereziki, misiolarien alde otoitz egiten dugu eta misioetan laguntzen dugu. Misiolarien lana inspirazio iturri da guretzako.

Zaindu zaitez, ARGITU mundua! Izan ere, misioan lan egiten dutenek bokazio bati erantzuten diote; lehenengo, beren burua ondo zaindu dute, gero mundura atera ahal izateko. DOMUND egunak gogorarazten digu gure mundua askoz ere handiagoa dela. Misiolariak itxaropen-eramaile gisa aritzen dira urrutiko komunitateetan, Elizaren zeregin aktiboa gauzatuz (osasuna eta hezkuntza).

Guk, gure aldetik, haien lan izugarria bultzatzen dugu gure ekarpenaren bidez. Horrela, gure argiaren hedapen handiena lortzen dugu, laguntza gehien behar duten lekuetaraino iritsiz.

Horregatik, has dezagun astea konpromiso txiki batekin. Isiltasun une labur bat hartu nahi dugu gure buruari galdetzeko: Nola egingo dut aste honetan neure burua eta mundua argitzeko? Har dezagun konpromiso hori isilean, gure jokabidearekin eta misio globala gogoratuz. Hasi dezagun astea gure barneko argia piztuta, munduari eskaintzeko prest, urriaren 19ko DOMUND eguna gogoan.

ZAINDU ZAITEZ, ARGITU MUNDUA zure barruko ARGIA PIZTUZ!

Ezagutzen al duzu misiolariren bat? Garrantzitsua al da misioetan aritzea? Nola egingo dut aste honetan neure burua eta mundua argitzeko?

ZURE HITZEN INDARRA

Egun on, “Zaindu zaitez, argitu mundua!” leloari begira jarraitzen dugu. Gaur, gure burua eta ingurua zaintzeko dugun tresna boteretsuenetako batean jarriko dugu arreta: HITZAK!

Pentsatu ezazu une batez: zenbat balio du zure hitz batek?

Hitz batek indar handia du. Norbaiti "ondo egin duzu" esaten diozunean, bere barneko argia pizten laguntzen diozu. Norbaiti irribarre batekin "kaixo" edo "egun on“ esaten diozunean, gure ingurua argitzen duzu. Baina baita alderantziz ere. Hitz gogor edo zital batek norbaiten eguna ilundu dezake. Hitz desegoki batek min egin dezake.

Ebanjelioak dio: “Zure argia distira egin dezala gizakien aurrean” (Mt.5,16). Bada, gure hitzak argi hori hedatzeko modua dira. Zure hitzak zaintza izan daitezke (besteak animatuz eta entzunez), eta argitasuna (egia esanez eta ideiak partekatuz). Zure hitzek aldaketa txikiak sortzen dituzte: klasean, etxean, lagunartean…

Pentsa ezazu: Zure hitza oparia balitz, zer opari mota izatea gustatuko litzaizuke?

ZAINDU ZAITEZ, ARGITU MUNDUA ZAINTZEN DITUZTEN HITZAK ERABILIZ!

Nola erabiliko dituzu zure hitzak norbaiten barneko argia pizten laguntzeko, batez ere triste edo zalantzati dagoenean? Zer esan diezaiokezu?

PALESTINAKO HAURRAK ERE GUREAK DIRA

 Egun on denoi! Gaur goizean, kartelean agertzen den esaldi batean jarri nahi dugu arreta: "Gure haurrak ere badira". Kartela ikusi baduzue, badakizue Palestinako haurrei buruz ari garela. Zer esan nahi du horrek? Horrek esan nahi du haien bizitza ere garrantzitsua dela, haien mina ere gurea dela.

Eskolan ikasten eta jolasten dugun bitartean, Gazan, Palestinan, gure adineko haurrak beldurrez bizi dira, askotan etxerik edo familiarik gabe. Haur horiek gure antzekoak dira, ametsak eta nahiak dituzte, eta gure babesa behar dute.

Kartelan, eserleku hutsa ikusten dugu erdian. Horrek gure artean falta den haur hori sinbolizatzen du, gatazkak bere lekua kendu dio. Baina eserleku hori betetzeko modua dugu, elkartasunez eta enpatiaz.

 Horregatik, kartelak proposatzen digun bezala, elkartasuna lantzeko eguna izatea nahi dugu gaurko eguna.

Orain, isilune txiki bat egingo dugu. Begiak itxi eta pentsa ezazu Gazako haur batengan. Irudikatu zeure buruan Gazan zaudela. Zer sentitzen duzue? (isilunea)

Zer egin dezakegu? Proposamen txiki bat aurkezten dizugu astean zehar egiteko. Adibidez:

-Egoerari buruzko informazio gehiago bilatu, hobeto ulertzeko.

-Gutun txiki bat edo marrazki bat egin, gure elkartasuna adierazteko.

-Gure lagunekin hitz egin gai honi buruz.

Eta beti, beti, gogoratu: "Palestinako haurrak gure ikastetxeetan gogoan".

ZAINDU ZAITEZ, ARGITU MUNDUA!

GGKEen FERIA / FERIA de las ONGS

 

Gaur, irailaren 28a, IRUN MUNDIAREKIN LANKIDETZAN 2025 ospatu da.

Beste urtetan bezala, FISC bertan izan da IRUNGO UDALAK 2024an ONARTUTAKO PROIEKTUA Irungo biztanleriari EZAGUTZERA emateko. Proiektu hau 2026ko URTARRILERA ARTE gauzatuko da.

Hauxe da PROIEKTUAren TITULUA:

Hezkuntza osoa indartzea garapen sozioekonomiko duin baterantz, Kasando, Lubero, R.D.Congo Lizeoko ikasle, irakasle eta familientzako informatikako eta laborategiko ekipoak eta ezagutzak hornituz.

Fortalecimiento educativo integral hacia un desarrollo socioeconómico digno mediante dotación de equipos y conocimientos en materia de informática y laboratorio para alumnas/os, profesorado y familias en el Instituto Kasando, Lubero, R.D.Congo.

HELBURUAK:

HELBURU OROKORRA: Kasando Institutuan gazteen hezkuntza kalitatea hobetzea, etorkizuneko garapen sozioekonomiko duin baterantz, Kivu Iparrandean, Congoko E.D.an.

HELBURU ESPEZIFIKOA: Kasando Institutuko (Congoko E.D.an) ikasle, irakasle eta familientzako informatika eta laborategiko ekipamendua eta ezagutzak hornitzea.

Irungo beste GKE batzuekin batera eta jai giroan, "GKEen azoka" ospatu dugu gozotasunez bai FISC Euskal Herriko kideak bai El Pilar Ikastetxeko zenbait irakaslek, beste mundu bat justuagoa posiblea dela sinestuz.

ZAINDU ZAITEZ, ARGITU MUNDUA ZURE BARNEKO ARGIAREKIN!

Kaixo guztioi! Ikasturteko hirugarren astean gaude, eta gure leloari begira jarraitzen dugu: “Zaindu zaitez, argitu mundua!”

Ebanjelioko pasarte batean honela irakur dezakegu: “Zure argia distira egin dezala gizakien aurrean” (Mt.5,16). Hau ez da harrokeriaz jokatzea, baizik eta zure barruan duzun onena ematea, zure barneko argia besteek ere ikus dezaten.

Zure argia ez da beti ikusgai egoten. Batzuetan nekatuta zaude, beste batzuetan triste, edo zalantzak dituzu. Baina zure barruan beti dago zerbait berezia: zure indarra, zure irribarrea, zure ideiak, zure bihotza. Horiek guztiak ARGIA dira.

Zaindu zaitez, zure argia zaintzea baita. zure barrua entzun, zeure buruarekin zintzoa izan, zuere buruarekin maitasunez hitz egin... Eta gogoratu: zure argiak beste pertsona batzuen bidea argitu dezake. Zure hitz batek, zure irribarre batek, zure laguntza txiki batek… mundua argiago egin dezake.

Pentsa ezazu: zein da zure barneko argia? Zer egiten duzu argi hori piztuta mantentzeko? Eta nola lagundu dezakezu besteek beren argia aurkitzen?

ZAINDU ZAITEZ, ARGITU MUNDUA ZURE BARNEKO ARGIAREKIN!

Zein da zure barneko argia? Zer egiten duzu argi hori piztuta mantentzeko? Eta nola lagundu dezakezu besteek beren argia aurkitzen?

ZAINDU ZAITEZ, ARGITU MUNDUA!

Kaixo denoi eta ongi etorri ikasturte berri honetara!

Ikasturte honetan bidaia berezi bat hasiko dugu elkarrekin, lelo honekin: "ZAINDU ZAITEZ, ARGITU MUNDUA!"

Ebanjelioak dioen bezala: "Zuek zarete munduko argia" (Mt.5,14). Eta horrela da! Zure barnean argi bat duzu, eta zure burua zaintzen duzunean argi hori indartsuagoa da.

Zure burua zaintzea ez da bakarrik gorputza elikatzea edo kirola egitea. Zure pentsamenduak, sentimenduak eta harremanak ere zaintzea da. Lasai egotea, ondo sentitzea, laguntza eskatzen jakitea... hori guztia da zainketa. Zure argia piztuta mantentzen duzunean, mundua ere argitzen duzu: zure familia, zure lagunak, zure gelako kideak...

Pentsa ezazu une batez: zer egiten duzu zuk zeuk zure argia piztuta mantentzeko? Saia zaitez galdera hau zure barruan erantzuten.

ZAINDU ZAITEZ, ARGITU MUNDUA ZURE BARNEKO ARGIAREKIN!

Zer konpromiso txiki har dezakezu aste honetan zure burua pixka bat gehiago zaintzeko? Nola lagundu diezaiekezu zure ingurukoei (familia, lagunak...) beren "argia" ere pizten?